Español
Loading...
Nor gara 2018-04-26T13:50:01+00:00

Itsasoko apar, esne-bidea, behelaino eta putzuzulo artean ezagutu ginen. Horrela begiratuta maitasun istorio bat dirudi, baina laguntasuna izan zen sortu zena, argazkilaritza begiratzeko modu berdin batek lotuta. “Argazkilaritzarekin bizi gara” eta ez “argazkilaritzatik”, garbi daukagu. Argazkilaritza lana izateaz gain eguneroko bizitzarako laguna ere badelako guretzat. Gure denbora librean ere argazkiak ateratzen ditugu, eta uneoroko formakuntzan eta esperimentazioan darraigu, gelditu gabe. Bizitzeko eta arnasteko modu bat da argazkilaritza guretzat. Gure irudiekin emozionatu, eta barnean denok daukagun mekanismo ederra, egunero aurrera eginarazten digun hori, poz-pozik funtzionatzen jarrai dezan.

Gorka Lasa

(Zarautz, 1.972)
Nafarroako Unibertsitatean titulatu nitzen Goi Mailako Organizazioko Ingeniari bezala 97. urtean. Etorkizun oparo baten asmotan egindako ikasketak izan ziren, baina egia da baita ere, garai hartan ez nekiela zer zen gehien gustatzen zitzaidana. Beraz “eramaten utzi” nintzen, “etorkizuna dauka” esaldian murgilduta. 17 urte igaro ziren zer nahi nuen jakin nuen arte. Tira, nire denbora behar izan dut egia da, baina urte guzti haietan ingeniari lanetan jarduteak enpresaren mundua hobeto ulertzen lagundu dit, hainbat enpresa ezberdinatan egin baitut lan, karta-joku, komunikazio eta elikadura enpresak besteak beste. Eta enpresen eta bertako pertsonen beharrak hobeto ulertzen lagundu dit ingeniari ibilbideak.
Ingeniaritza “benetazko lana” eta argazkilaritza uztartu nituen 2015. urterarte, bide berri bati ekitea erabaki nuen arte. Argazkilaritzarena. Eta dagokion lekua eman diot, benetan mugitzen nauen hori eta maite dudan hori egitean. Pozik sentiarazten nauen hori, argazkiak ateratzea.

Ander Morea

(Zarautz, 1.978)

Marketin ikasi nuen laurogehitahamargarren hamarkadan digitalizazioaren aurretik eta beraz, komunikazio 2.0an eguneratu nintzen etorkizunera begira. Baina etzen nire bokazioa. Beti gustatu izan baitzait psikologia aplikatua, beharrak ikusi eta irtenbidea aurkitzearen hausnarrean bizitzea. Gogo horrek ikus-entzunezko eta argazkilaritzaren eremura bultzatu ninduen, komunikazio beharrak irudiarekin ebazteko gogoz. Pasioa eta bokazioa bateratu ditut beraz irudiak eta bideoak sortzean.

“Pasioz lan egiteak jartzen du perfekzioa” Aristóteles.